Plantun de Prouvènço

Pèr coumpara dos planto d'encò nostre

Sicyos angulatus & Vallisneria spiralis

fotò
fotò
Treno-de-serp(-queirado)

Sicyos angulatus

Cucurbitaceae

Nom en français : Concombre anguleux.

Descripcioun :
Aquesto planto, que nous vèn dis Americo de l'uba, s'atrovo au nostre, pèr lou moumen, soulamen dins la valado dóu Rose fin qu'à la mar. Trachis dins li fourèst de ribo d'aigo (ripisilvo) ounte, à la fin de l'estiéu, cuerb tout lou sòu coume un lincèu emé si gràndi fueio de 6 à 20 cm. Li flour masclo dounon d'èr à li de la briouino alor que li flour femello soun en group, mai pichoto (4 mm) e pu claro. Lou fru, en amelo, èi cubert d'espino.

Usanço :
Li fueio de treno-de-serp-queirado soun manjadisso cuecho coume de liume. Se dis que lou fru pòu èstre manja peréu. Li fueio soun estado utilisado en Americo pèr sougna li "mau di femo" (malautié veneriano).

Port : Liano
Taio : 2 à 10 m
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Sicyos
Famiho : Cucurbitaceae



Coulour de la flour : Verdo
Petalo : 5
Ø (o loungour) flour : 1 cm
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun
Remarco : Planto envahissènto

Liò : Ribiero - Escoumbre e proche dis oustau
Estànci : Termoumediterran à Mesoumediterran
Couroulougi : Óurigino Americo-Nord
Ref. sc. : Sicyos angulatus L., 1753

fotò
fotò
Erbo-di-frisoun

Vallisneria spiralis

Hydrocharitaceae

Àutri noum : Embuscun, Limoun.

Noms en français : Vallisnérie, Vallisnérie en spirale.

Descripcioun :
L'erbo-di-frisoun es uno planto diouïco que fai de coulounìo emé si fiéu ; li fueio soun verdo, longo, plato e larjo de 10 à 15 mm. Pèr li flour leissaren counta F. Mistral (Mirèio, cant V) "(...) l'erbeto di frisoun ; - A dos floureto, separado - Bèn sus dos planto, e retirado (...) - Mai quand vèn de l'amour pèr éli la sesoun - Uno di flour, touto souleto, - Mounto sus l'aigo risouleto - E laisso au bon soulèu espandi soun boutoun ; (...) - I'a l'autro flour qu'es trefoulido, - E la vesès, d'amour emplido, - Que nado tant que pòu pèr ié faire un poutoun. - E, tant que pòu, se desfrisouno - De l'embuscun que l'empresouno"...

Usanço :
Li fueio sarien manjado dins l'Asìo dóu levant.

Port : Erbo
Taio : 20 à 60 cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Vallisneria
Famiho : Hydrocharitaceae



Coulour de la flour : Verdo
Petalo : 3
Ø (o loungour) enflourejado : 0,5 à 1,5 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo - Ribiero - Roubino
Estànci : Termoumediterran à Mesoumediterran
Couroulougi : Subretroupicalo
Ref. sc. : Vallisneria spiralis L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
CC
C
ges
ges
ges
ges
ges
ges

Sicyos angulatus & Vallisneria spiralis

R
RR
ges
ges
ges
ges
ges
ges

Coumpara Treno-de-serp(-queirado) emé uno autro planto

fotò

Coumpara Erbo-di-frisoun emé uno autro planto

fotò